夠膽死

【明報專訊】2009年9月28日

英國白金漢大學校長基利（Terence Kealey）本月17日在《泰晤士高等教育》（Times Higher Education）雜誌中，與6名作者合撰題為「高等教育界七宗罪」的文章，基利寫的是關於色慾罪。基利在文中說﹕「大部分大學男教授都知道，多年來，班中總會有一名女生仰慕自己，會主動問他論文意見。怎辦？享受她！她是提神劑。」

基利續寫道，大學男教授只可在日間欣賞向其展示身材的女生，以增添「趣味」，但晚間就要欣賞妻子，並強調未婚年輕教授可「播種」，但已婚中年教授就只可眼看手勿動。基利又感謝現時的大學監督制度，令以往有學生以性換取高分的日子過去。

有些事情, 你可以想但不可以說, 尤其是不可以在某種場合說, 更尤其當你是身為校長的話, 就要醒少少了.

窮富翁偽作戰

RTHK 的窮富翁大作戰, 睇左幾集, 發覺的女真係揀得幾靚, 而且唔知點解, 的窮人多數好醜樣. 有錢人係高尚的, 比窮人有愛心, 更加關心社會的公義. 係套戲度, 作出犧牲的全部係有錢人: 上市公司主席, 大小姐, 少奶奶同富翁, 他們都紆尊降貴地了解民間疾苦, 又俾心機分析問題, 居然肯同窮人傾偈添! 好能親民呀佢!

呢套真人騷絕對能夠促進社會和諧: 有錢既睇完窮富翁當然更加安樂, 因為佢地而家不單止在物質上富裕, 連心靈都富裕埋; 中產階級要睇, 證明自己向上爬的努力初步得到回報, 自己同下一代可以在有冷氣的豪庭生活, 唔使捱木蚕, 好野! 窮人更加要睇, 因為佢地可以感受到社會既愛同關心, 知道大家在嘆冷氣住大屋之餘都會想起自己, 唔好再諗社會點樣欠左你地!

窮, 無錢, 無冷氣, 捱木蚕係咪好慘? 呢的係佢地日常生活的一部份了,使唔使你派人來大驚小怪呢? 佢地需要的並不是你們的施捨, 更不要扮同情, 唔該你地唔好用佢地的生活來玩 outward bound, 唔好播埋的懶感動的 NBA 慢鏡音樂. 因為根本唔襯---成件事的主角唔係你地班有錢人, 個個話住五日捱唔夠三日就走, 始終要痴住貴價房車同iphone, 在一個不公義的世界中, 富人口袋裡面的錢從來都是從奪取窮人的生活資源而來的, 不過路徑迂迴, 兩者互相見面的時候還以為大家是沒有關係的陌生人而已.

社會的動物

八號風球當天, 下課後回到辦公室, 真是山雨欲來, 四周的同事紛紛擾擾高高興興地打點走人.
我也隨著人潮上車落車到超市排隊買十日都吃不完的麵包.
風暴, 永遠是一種集體的亢奮.小時候,除了過年過節,便只有在打風的日子才會全家聚在一起. 七八個人, 幾百尺的地方, 一起看風暴消息, 裝防風板,之後在砰砰澎澎的風聲中聽媽講走日本仔的故事.

中學的時候, 人大了一點, 打風, 便會到同學屋企打牌. 或者約埋一大班到戲院睇 "鹹片". 記得有一次去麗宮睇戲, 但是套戲極度學術, 又訪問鬼佬學者講高潮的成因, 甚至用個 chart 表達男性同女性高潮出現相距的時間, 難得班同學重好專心, 其實大家只是在等看造愛的鏡頭, 可惜教授每次舉例都同動物有關, 結果來來去去都是動物交配的畫面.

到如今打風, 在家中聽著滂沱大雨拍打窗框, 開始明白為甚麼有些人不顧一切都想找個伴過下半生.
人, 的確是社會的動物, 尤其是在打風落雨的時候, 心靈都是很脆弱的.

Anything is Possible - in China

為了迎接上海世博, 營造良好的創意氛圍, 內地搞了個中國文化創意產業論壇. 當中一位講者被尊稱為中國文化創意產業之父, 他的名字很有意思的, 叫厲無畏. 這麼獨特的名字, 真是很可以代表中國的國情. 因為既是無畏, 在進行創作的時候, 當然不能夠畏首畏尾. 在內地, 這種無所畏懼的創作精神真是有很多的展現. 例如你有 iphone 的時候, 佢有 iorange; 或者你有Wii 機時, 佢有 Wu 機, 功能配件完全一樣. 除此以外, 還有很多很多...

1. 新海誠的秒速五米厘 vs. 大陸的心靈之窗, 格格相同.
(詳見知日部屋)




2. BBC countdown vs. CCTV countdown
(詳見聞見思錄)



3. KFC上校 vs. 吉訶婆
(詳見小奧思陸)




4. Nike vs 安踏 vs Li Ning
Nike

安踏


Li Ning


李寧牌的宣傳口號, 是 "Anything is Possible". - 像這樣的口號, 令人感到在大陸攪創意產業, 真係乜都有可能. 但他們完全不知道, 在 Impossible is Nothing (Adidas) 與 Anything is Possible (LiNing) 之間, 雖然是差不多的串法, 但一高一低, 一個顯出自尊與用字的品味, 而另一個是兩者皆無.

(comment below)

福鱷問候你

在這個時代, 甚麼都講保育, 沒有保育價值的生物, 基本上死有餘辜. --- 當然, 我指的是福鱷, 不是指人類. 因為人比起福鱷當然更加無保育價值, 而且是破壞大自然的元兇.

上 yahoo news 無可避免要睇星島, 觀乎他們的報導,用語亦夠嚇人的:

噬人「鱷」魚驚現鬧市水池
(星島)2009年9月4日

喂! 條魚幾時咬過人了? 以鱷魚稱之, 並且是驚現水池 --- 但其實德華公園的街坊同佢已經相處好幾年了.

康文署捕魚的手法當然更加無得頂. 成班做清潔既碧瑤阿叔阿嬸. 用垃圾桶水桶鐵絲網. 手法是街市魚檔劏魚的標準. 無水無空間, 跳出地面在水鞋邊任其掙扎.

大大聲說無人收留, 無保育價值點點點, 恍惚這樣就可以判定這條魚的生死. 偌大的一個城市, 金融中心點叻點叻, 連幾條魚都容納不到. 保育, 真係保你老母.