齊來學轉運

日日追睇茅山師傅的新聞, 真是想不到有些甚麼活動會比性交轉運來得更有意義, 真係呢, 施比受更有福, 除了可以同自以為無運行的靚模攪九次之外, 另仲收番8000蚊作法費用. 我呢, 昨日請了個朋友來講 guest lecture, 一堂講 Hume on Induction, 另一堂講 Marx on Knowledge, 朋友苦口婆心, 七情上面, 深入淺出, 扭盡六壬, 班學生一樣沒精打采, 輪住訓覺. 昨日上完堂番 department claim 數, 個 secretary 仲反口話無答應過請人, 拗一大輪先爭番個幾百蚊的堂費. 所以話, 讀咁多書來做乜? 不如去樓下公園問下邊個阿伯識茅山術、九子改命剝衫掃符術, 反正轉運與否祇在乎當事人用甚麼角度來看自己的現實, 幾時屋企人講句乜野、幾時過馬路遇上紅燈都可以是人生不如意事. 而且茅山術呀, 一旦學左野的話真係可以貢獻社會噃, 隨時甘乃威曾特首失意時來搵你、吳靄儀麥列斐斐 Maria Codero 悶悶地又搵你. 咁阿歐陽生真係唔使再揸泥頭車啦, 喂, 你反正都係一條佬啫, 狗up一輪就有咁多著數, 仲日日有court hearing 同你宣傳, 真係恨到呢, 全港的男士都牙痕痕呀.