每個人都會有他的 breaking point, 這可能是某君說的幾句譏諷話, 可以是身邊人無心做出的某些事, 甚至可以是地鐵車廂撞到你的阿哥阿嬸.
我小時候家中幾乎每星期都吵架, 每個月都有單大的, 家嘈屋閉不特止, 吵架者有時亦會動刀動槍. 要殺人要一齊死之類的話, 不知聽過幾多.
不過今天時代不同了, 人間有事, 大大小小都歸政府的責任, 社工的責任, 政黨的責任等等. 好處是我們的社會裡面弱勢的人好像有一點依傍, (假如他們有需的話). 不好的地方就是你有時在家中勞氣了, 說多了話, 打了人, 隨時有差人來拉你.
以前在屋村打人, 別人的兄弟知道了就會來找你晦氣, 這是為甚麼生個男丁對家人維持自尊有所幫助, 媽媽常說以前她們在鄉下的家因為女丁多, 很容易俾人恰. 你打人兩拳, 人家打番你四拳這就叫做公義了.
今天的公義, 基本上全部都在公共領域中處理, 在眾目睽睽之下, 你做錯野, 雖然對方的家庭未必會搵你報仇, 不過他們會報警, 你前途盡毀之餘, 仲隨時要被監禁, 被見報, 被不相識的人在網絡上公審. 這種的機制如果有效的話, 社會的人都會好自律, 唔使學詠春, 有乜事俾人激親就用陰招報復, 不留痕跡地整佢, 或者我們可以選擇不報復, 死忍爛忍算數.
兩種選擇都不能說是健康, 為了奉公守法, 怪不得文明社會的人有那麼多心理病, 陰暗面!
http://udn.com/NEWS/MAINLAND/MAI2/5587046.shtml
回覆刪除教育學院客席講師英冠球博士曾與任性治療師的妻子結伴主講有關家庭和諧的座談會，惟夫婦倆卻是「能醫不自醫」.......
你是說這宗新聞？
希望他安然度過。
回覆刪除聯想而已, 不是要說起這件事.
回覆刪除祇是我最近研究水滸傳與尼采, 想起在現代社會要明哲保身, 要奉公守法, 其實對於人性的發展確實是一種委屈.
他本來就對如何維繫家庭和諧之道有質疑，被諷「能醫不治醫」可謂有點無辜，雖則那事他確實處理得衝動。祝他好運。
回覆刪除http://www.youtube.com/watch?v=Nke6D-J4NF0 及其後。
> 在現代社會要明哲保身, 要奉公守法, 其實對於人性的發展確實是一種委屈.
回覆刪除嗯, 太委屈的話的確無意思.
至於怎麼樣的"人性的發展",看來仍有討論的空間吧.
meili
我經常覺得文明社會/現代社會剝奪左人既自我保護能力
回覆刪除有事搵警察,告上法庭,由機制到得到"justice",人開始依賴機制
但係,一,機制幾先進,幾滲透社會都好,佢都始終係穩定既結構,唔能夠滿足具有多樣化既人性,要經常變化既人性去遷就彈性少既機制,確實對人性發展好有影響;
二,執法,司法機關幾有能力/幾大權力都好,佢地都唔係每一分鐘available,即係佢地既保護都唔係全面,有好多不道德,不公義既野佢地都懲罰唔到
三,點解警察同法律有權力代替人行公義?被冒犯既又唔係警察同法官,點解佢地係至高無上既處罰者?
有冇睇過韓國電影"密陽"?全度妍既兒子被殺,精神受創之下信左基督教,滿以為自己有足夠既包容性去寬恕殺子凶手,但凶手坐監後都信左上帝,上帝仲早過全度妍寬恕左凶手,令全無地自容。同樣既問題係,凶手得罪既係全度妍而唔係上帝,點解上帝可以幫全度妍作懲罰或寬恕呢?咁樣睇落去,法律對於現代人,就好似上帝對於信徒咁
celt
celt,
回覆刪除密陽未睇, 謝謝介紹. 你說完我開始有興趣看.
不過心中很怕韓片, 佢地實在去得太盡,有時會不忍卒賭.