2009年7月3日 星期五

上帝個仔

前幾天出席一個基督教的喪禮, 儀式完結之後跟一群很有熱誠的教徒同桌吃飯.

他們問我有甚麼信仰, 我說是佛教. 然後他們紛紛以同情的目光和我講見證, 說誰誰誰個阿媽以前都是拜偶像的, 最後轉轉折折信了主, 才得到真正的自由云云.

我最初不想說太多, 聽來聽去幾篤屁, 我都是友善的點頭, 認同, 不敢爭辯. 但是整整下感到煩悶, 便打趣問他們信上帝到底是信甚麼的.

他們說上帝差遣自己的獨生子耶穌, 為人的罪犧牲, 洗清我們的罪點點點.

我問神都無精子, 點解會有個仔. 他們說神用聖靈感動瑪利亞, 令她懷孕.

我問咁樣整出來的人為甚麼就會是佢個仔. 他們講了半天唔知講乜, 最後話耶穌就是神.

我問神個仔點解會變成佢自己, 我個仔點解同時又係我自己, 聖靈又係神, 咁, 自己搞個女人生番自已出來, 頭都大.

他們當中一個忽然問我, 睇唔睇到空氣, 我話睇唔到, 佢好似捉到痛腳, 質問我睇唔到點解都可以信空氣存在.

我問佢咁同耶穌係咪神個仔有乜關係, 佢無出聲.

跟住另一個又話人的智慧好有限, 話佢同我一樣睇好多書好鍾意諗野, 最後都搵到耶穌, 強烈邀請我去佢地的家聚.

我話我已經同佢地傾左兩個鐘, 你地想講乜要講乜我都聽到熟哂了, 多謝.

25 則留言:

  1. 我 kit 一聲笑左出來, 好野o下亞 sir 你!!!
    山地

    回覆刪除
  2. AGREE... 我睇唔睇到空氣唔緊要, 我淨係知我冇左空氣會死, 但係我唔信神唔會死lor

    回覆刪除
  3. 空氣存在與否係一個科學問題,神存在與否係一個宗教問題,呢d人學同宗教不分,你應該叫佢番去讀小一。

    回覆刪除
  4. 我一聽到基督徒話"人的智慧好有限, 話佢同我一樣睇好多書好鍾意諗野",就會不期然有暴力傾向。

    回覆刪除
  5. 根據某地人士的 "想法"
    表示有暴力傾向的人即是等如實際上的暴徒/暴民
    涉嫌/煽動顛覆宗教團體
    影響宗教自由
    破壞社會和諧
    要被逮捕的哩~

    暴徒/暴民
    會由家中再出發
    散步進入監獄或者精神病院

    死啦,講講下我都開始有暴力傾向添 θ︷θ


    ~ Nana

    回覆刪除
  6. Wong, 似乎你一遇到這些基督徒就上頭。我反而懷疑點解 willsin 可以同佢地講 2 個鐘,佢既耐性真係不能低估,比著我會即刻掉頭走人。正如當我遇到車公廟同黃大仙廟既神棍時,當自己時運高,睇佢唔到。 willng "竟然" 同佢地搭上...

    yan

    回覆刪除
  7. 沒翅膀的 willsin
    插翼難飛
    做不成天使的囉

    不過近年整容/整形科技發達
    沒翅膀不打緊
    打造雙雞腳吧
    過馬路安全點

    總之
    不要變成黃腫腳便成了

    ~ Nana

    回覆刪除
  8. Yan,

    我可以同任何基督徒講三五個鐘,但佢地恐怕會俾我激死。

    回覆刪除
  9. 其實同基督徒講野唔一定要辯論, 有時問下佢地對一的簡單的野的睇法, 用第三者的角度觀察下呢班人, 都幾有趣.

    簡單既野:
    1. 你地係咪真係等緊一日天兵天將同耶穌降臨, 同上帝一齊審判世人?
    2. 你地真係覺得上帝無時無刻碌大雙眼望住你?
    3. 你地當眾祈禱的時候, 選詞造句做得咁好, 實際上你在說話給上帝聽還是說話給人聽?

    回覆刪除
  10. 或者問:

    4. 喺天堂有乜咁快樂?
    5. 你真係相信你阿媽因為唔信耶穌會喺地獄永遠被火燒?
    6. 你做愛時有無因為諗起神或者耶穌而不能盡興?

    回覆刪除
  11. 香港其實是一個很封閉的社會。一般在職人士若想在家庭及工作以找一些團體生活,他們的選擇不是太多。他們若不想跟大佬玩劈友,他們便跟教會玩查经,但兩者的性質也有相似的地方:霸道兼反智。

    回覆刪除
  12. 簡單既問題:

    7. 既然你食飯之前都禱告, 咁做愛之前都應該祈禱?
    8. 既然你做愛之前都應該祈禱, 咁自瀆之前亦會祈下禱?
    9. 既然你自瀆之前都應該祈禱, 咁犯罪之前都要祈下禱?

    willsin

    回覆刪除
  13. 團體生活的其他選擇:

    1. 讀哲學文憑班
    2. 有 Degree 的, 有錢和時間的, 也可以報哲學碩士班.
    3. 1 或 2, 有時會搭行山打波及食飯.

    哲學取代宗教的又一展示.

    willsin

    回覆刪除
  14. 抗議, willsin 係教哲學o既,有利益衝突。

    不如叫佢地捐錢比我呢o的窮人啦。

    yan

    回覆刪除
  15. 極力絕對贊成, willsin sir 勸富濟貧.

    sasady

    回覆刪除
  16. 但教會教你唱聖歌,哲學班不但沒有歌唱,還要坐着聽一些沈悶的討論。我建議 Willsin sir 作一些哲學歌,如「維特根斯坦 你好偉大」,這樣效果可能會好一點。

    回覆刪除
  17. 如果要作, 我應該作: "馬克思哥仔, 你真偉大!" 咁可能會引到一批社會學家來參加的.

    willsin

    回覆刪除
  18. FYI,這個世界是有哲學歌的,例如康德歌:
    http://www.youtube.com/watch?v=rzpL_5CI0WQ

    ~Ivy

    回覆刪除
  19. Ivy!!!

    A very lovely song, I am thinking about someone should set up a church of philosophy.

    yan

    回覆刪除
  20. 哈哈! 呢個水平的教友,只以為佛教係拜偶像,迷信(但佢地又唔知其實自己都好迷信),邊係你手腳ar! Willam!

    回覆刪除
  21. 哈哈哈!估不到小小對話,也有這多回應,我也來凑熱鬧
    首先,作為一個教会的傳道人,先向blog主say sorry!
    飯桌本是吃喝痛快之地,卻變侵犯人權之門,簡直可惡.
    我先得承應,基督教絕對是排他性、攻擊性極強的宗教,
    對真理一知半解,因講求速食(回應要到位),所以信徒背誦許多標準答案,
    可惜;因先天對問題已掌握有限,自己解決不了.生吞答案便是。
    其實每個宗教都有自己的護教法門,其他宗教,包括天主教,與他們談「道」
    因為有適當的空間和專重,總是如沐春風,只是基督教太不懂包裝罷了,

    回覆刪除
  22. '只是基督教太不懂包裝罷了'
    是嗎? 哈哈哈!!
    咁'瑧美黃乾亨' 果個校奸油頭面油貞又點解釋呢?
    她滿口聖經來掩飾自己所做嘅衰野係對(講大話,略水,老作大話向家長借錢等等等.....),說時口不改容,頭油蓋面咁o向youtube 撐大眼講大話, 這是否吻合'只是基督教太不懂包裝罷了'嗎?如果是的話...
    ...................

    回覆刪除
  23. 我相信人世間是有真善美,聖經上一些價值觀的確有見地, 有些基督徒是善良的, 但有點無知.
    但不得不承認, 雖然信了上帝很多年,其實,我所明的實在太少,不明所以卻太多, 返教會查經,愈查愈吾明,而且眼見有好多虛偽的基督徒,口講與行為大相違背, 令人憤怒/反感,(如我有份,請多多原諒).可能人身上有太多人性: 如貪念,妒忌,憤怒,自私,供心計, 基督徒卻拒絕承認,扮不計較, 卻心底內較平常人更放不下....所以讓人覺得虛偽/ 偽善.
    不過, 我最怕是工作是是但但,不認真, 但在教會熱心服事的基督徒,一起工作時會很激心的.

    回覆刪除
  24. And that's why I choose to become an athiest scientist- pure logic.

    Love the Kant song by the way.

    Eery

    回覆刪除
  25. 聽說
    希伯來文中兒子的意思是與父同質,至於三為一體的概念和聖靈感孕都比較難理解.但起碼前者有多些試解.

    根據聖經的話,唔信神係會死架...地獄=永死.
    我想,原意是說話你自己無法直接證明的事,就得按信心來接受.但你說得對,物質能用科學來衡量;但屬靈的事,就要靠靈性了.對不對?不便的是,根據某種解經的說法〔禁果->靈死/肉身死〕,恐怕未信者的靈魂未甦醒,接受能力有限..但這種說法有點吊詭 ~rolling eyes~

    回覆刪除