2009年7月18日 星期六

影藝_黃金

1. Largo Winch


只得很少戲院上畫, 但電影很有娛樂性, 氣氛緊湊.
香港取景, 戲中出現的華人演員都很陌生, 感覺反而較自然. (上次睇蝙蝠俠, 見到陳冠西出場五分鐘, 好突兀, 好似探班咁, 奇怪佢做乜係度.)
不喜歡電影的中文名, 甚麼 "特攻闊少爺", 出奇膚淺, 很像 80年代舊片的片名, 見到都唔想睇.
在淘大的新影藝睇九點半, 簇新的戲院, 卻一個觀眾也沒有, 包場. 連工作人員行過都聽到腳步聲, 你話幾靜. 可惜淘大不是駿發, 影藝又不是百老匯. 怕這樣的生意額捱唔得耐.

2. Drag me to Hell


英國的朋友看完, 盛讚這是他多年來看過的最好的一套電影.
曾經熱切期待它在香港上畫, 但現在看樣子未必會上正場了. 等DVD吧.
有意思的電影, 又上唔到正場, 令人想起不久之前的 children of men.

3. 黃金
最近兩星期都有到黃金睇 DVD, 大陸的翻版, 水準同正版一樣. 30元一隻 (買幾隻有得講價), 不過在大陸買應該唔使十元.

黃金的片種真是多, 日本的, 南美的, 荷李活舊片, 美國獨立電影等等, 要乜有乜. 包裝同印刷水準超高. 我上星期買了聖血(Santa Sangre), 十幾年前在新華睇時, 真係嚇到傻. 如今重睇, 對血腥場面有心理準備, 細心看電影的美學, 真是很典型的南美風格, 魔幻現實, 令人想起馬奎斯的百年孤寂.(奇怪睇檔的靚仔居然識呢套戲, 仲介紹我睇導演的另一套作品:魔山!)



也買了 derek jarman 的 war requiem, Errol Morris 的經典作品集等 (睇到眼訓). 不過 Errol Morris 的東西, 我上年在三藩市都買不到, 反而在黃金找到五六套, 你話奇唔奇?

*建議購入: 稻垣浩的宮本武藏, 三船敏郎主演. 年輕的他, 認真, 執著, 自信. 求道日有所成, 漸而氣度恢宏. 一套三碟全集裝, 是值得收藏的好片.

3 則留言:

  1. Largo Winch 其實是改編法國一本很受歡迎的連環圖的,不過我也沒有去看,要去租來看,好不好看呢 ?

    回覆刪除
  2. Drag me to Hell 八月六日上正場
    港名 地獄巫門等你來
    http://www.moviesuper.com/big5/movie_comingsoon.asp?hLight=ComingUp&hMovie_ID=IN-4625

    回覆刪除
  3. Largo Winch 好看, 值得捧場. 加上在影藝放, 值得支持啊.

    Drag me to Hell 原來有得上正場? 好野!

    willsin

    回覆刪除