2009年6月16日 星期二

悔改歸正. 出死入生

1.
梅窩居民反對正生遷入, 在諮詢大會上有藝員陳敏兒唔返教會都出來 支持正生,大喊﹕「梅窩嘅爸爸媽媽,過嚟抱一抱佢哋(正生學生)!」

咁, 正生的學生個個堂堂正正坐係度, 人地唔係企唔穩, 亦唔係俾人強姦完, 亦唔係臨終病人, 你無端端走去抱佢做乜?

2.
中華基督教會的岑樹基, 也在明報撰文支援正生, 寫得很好, 題目是:「社會沒有放棄你們! 」

好好地一班學生, 平時一起上課, 也會整麵包做裝收搬石種花, 全部都是很有趣的活動課程. 社會人士卻忽然紛紛浦頭, 對他們說: 哎呀, 社會無放棄你地呀, 我地好支持你架.

這種心態真是很 Christian.

3.
香港仔公園的文章也寫得很好. 他說人誰無過呢, 「把戒毒學校、愛滋病醫療中心、精神病人中途宿舍、弱智人士庇護工場設在民居,結果換來居民反對,這不是新鮮的事。」

原來正生的學生, 不知不覺地被放在一個類別, 與愛滋病人, 精神病人, 弱智人士相似. 既然被別人這樣理解, 正生學生被未來鄰居排擠是很自然的事.

公園仔又說, 不如計 externality 啦, 政府賠償俾梅窩人, 咁咪雙嬴囉.

但這樣處理學生, 同處理核廢料一樣. 賠左錢之後, 這批人就給定性了.

4.
曾特首唐司長, 連同各大報章的社評, 紛紛愛心爆棚, 口口聲聲叫人「包容」, 俾機會佢地「改過自新」「重新融入社會」.

這種「佢地有問題」的心態本身就是問題的一部份. 很明顯, 要「包容」的對象已經唔係好野.叫人「重新融入社會」, 好似社會有一個既定範圍, 而呢班學生而家係處身於社會以外.
(或者, 我地重未將你地看為社會的一份子喎!)

5.
接受正生, 並唔係由梅窩人開始.
這些問題是問題, 因為在我們的視野中, 一早就將人分左類.

5 則留言:

  1. 有關第二點確是可笑,反對的只是梅窩居民,何來社會放棄他們呢?真是奇又奇之!

    回覆刪除
  2. 先把人標簽,再以救世者姿態出現,救命。

    回覆刪除
  3. 上面1-4都唔可以一併而論既﹐2-4唔係寫在現場﹐而係事後記述﹔但1就係發生在該時該地﹐班學生俾人圍剿之時﹐"唔係俾人強姦完, 亦唔係臨終病人"﹐但肯定就企得唔係幾穩﹐0甘廖太過去抱抱安撫下﹐都好0岩者。

    回覆刪除
  4. 60664: 有時有些標簽並不是故意為之, 而是某些人固有的心態. 他們就是習慣將人看為需要拯救的對象, 然後自己高高在上, 好心地施恩予對方.

    收收: 因為我不在現場, 不知道當時的形勢是這樣. 透過電視和報紙的報導, 對於整個"抱抱"場面, 我感到有點荒謬. 要條氣唔順的梅窩人走去抱佢, 就更加假和造作.

    willsin

    回覆刪除
  5. 不知不覺間, 每個幫口的人都標籤了他們.
    但是, 為什麼不能標籤他們?
    說到底, 他們是需要幫忙, 但不是這些態度.

    回覆刪除