2010年11月3日 星期三

氣節

我一直不喜歡 iphone, 我不喜歡 iphone不是因為它有甚麼不好, 我是受不了街頭巷尾都有人拿著它, 而且通常都在玩白癡的推銀仔遊戲.

我覺得如果我都忍受不住而下了海, 結果我會在地鐵火車上埋頭埋腦地推, 成為了庸俗世界的一部份.

問題是我不能夠既買 iphone 而又不玩它的 Apps, 不能夠買了它而忍著不在公眾場合在它上面掃來掃去.

我要用力保留一個清流的形象, 所以我還是在用銀白色的 Nokia 6300, 我認識的很多有識之士都是用這個形號, 甚至是這個顏色的. 它有二百萬象素的攝影功能, 在三年前它簡直是一件特工才會用的高端科技產品. 到現在我仍然不時用這個二百萬像素的電話拍照, 給別人發現的時候, 我會有一種我行我素的沾沾自喜.

我要強調我尤其討厭那些模仿 iphone 的 model, 像三叔 Galaxy S呀, HTC呀, 我覺得人無錢唔緊要, 跟不上時代都唔緊要, 但千祈唔好連自尊都無埋. 所以, 到今日, 我既堅決不使用 iphone, 也堅決不用 iphone 的契弟 ipod touch, 當然, 亦唔會用其他假扮 iphone的 smartphone.

約莫半年前, 我在 IFC 的超市芝士櫃唔覺意執到部貼著閃閃珠仔的 iphone, 嘩, 開心到丫. 但是經不起同行友人的曉以大義, 最終還是光明正大地把電話交回 information desk 了. 自此之後, 我做人比之前更加行得正企得正, 偶然路經電器鋪門面的櫥窗, 我會以略帶滄桑的眼神回望裡面閃亮亮的她.

13 則留言:

  1. 當人人都用iphone也用得那樣開心時, 我真不知道為了什麼而那麼堅持不買iphone. 我老公說看我忍得幾耐...

    回覆刪除
  2. 我就起碼等佢出到 iphone 10 先至買勒.

    回覆刪除
  3. // 我會以略帶滄桑的眼神回望 //

    So COOL ^-^

    回覆刪除
  4. //我要強調我尤其討厭那些模仿 iphone 的 model, 像三叔 Galaxy S呀, HTC呀, 我覺得人無錢唔緊要, 跟不上時代都唔緊要, 但千祈唔好連自尊都無埋. //

    - 我用HTC喎,死叻,咪無哂啲自尊?

    回覆刪除
  5. 我用 motorola wx288,HK$600有找。我覺得好用過iphone, 唔驚比人偷,通話清楚,好少hang 機,唔使o徒無謂時間打機。

    回覆刪除
  6. Galaxy, HTC 那些叫做 Android. Android 有抄 iPhone, iPhone 也同樣有抄 Android, 只能說兩個是 competing platform. 像 Windows 與 Mac 。

    回覆刪除
  7. Ced,

    我選用HTC,正是因為我喜歡Android這system。(總算重拾一點自尊!)

    回覆刪除
  8. 乜 Android 都可以咁有氣質既咩? 咁我都出番部 HTC 先!

    回覆刪除
  9. 係呀,唔使有略帶滄桑嘅眼神都夠照咖!

    回覆刪除
  10. 我呀,就堅持用部響深水埗賣二百五嘅手機。
    有左佢,我就可以收發短信啦,有同朋友傾下閒計,佢仲有天氣預報,得閒個陣仲可以玩食蛇、尋寶等益智遊戲添,又跌極都唔爛,其實真係好能正架!

    回覆刪除
  11. CYC, 鴨寮街古古怪怪平靚正的機款好多, 不過幾年前在那裡買電話俾人呃過一次, 之後路過連睇都懶得睇. -- 你部機睇黎幾強悍, 帶在身邊都應該幾有型.

    回覆刪除
  12. 個人意見, 用 Android 者就是比較有氣質, 看 W.Wong 兄就知

    回覆刪除