2011年7月17日 星期日

尼采. 特首. 飯前祈禱

尼采對基督教的不滿並不在於其教義是否有邏輯矛盾. 其實, 上帝是否推得郁自己整舊石, 或者可以是哲學家烘小孩的故事, 或者可以讓中學生和有為青年在課餘時間過口癮, 因而自我感覺良好; 或者再深入的可以寫篇論文, 有運行的話,有期刊登,則可以幫大學教師保住份工.
至於其他時間大家依然軟弱, 大家的眼珠基本上離不開股票樓價和女人, 有仔女的千方百計谷條靚仔彈琴游水拉小提琴, 最終入到名校將來入大學讀會計法律或者醫生. 畢業後下半世的眼球基本上離不開股票樓價和女人.

尼采對基督教的不滿主要是在於其所鼓吹的教義, 讓信眾自以為是, 自以為公德良心在我手, 實則其人軟弱無力, 虛偽, 在公開場合食飯前祈禱, 內心用幾百種方法來逃避自己, 裝飾自己. 對外則打擊所有企圖活得真實的人, 名之曰色情, 名之曰暴力, 墮落, 變態. 尼采對基督教的批評因而是一種道德批評, 一種生理學的批評, 甚至是優生學的批評. (N: “[The problem is] what type of human should be bred, … as being more deserving of life, as being more certain of a future” The Anti-Christ, para. 3.)

尼采對基督教的批評很重要因為基督教的價值觀基本上與現代社會的主流價值觀融為一體, 現代化的過程某程度上亦是一種庸俗化的過程, 人懂得區分「對錯」「好壞」之後還要學習禮讓尊重人民主人權平等乜乜物物, 你睇下我們立法會這班尊貴的議員和高官, 你睇下我們個個禮拜去聖堂祈禱的特首, 你對現代社會的價值, 對何謂墜落, 何謂庸俗化的理解都可以略知一二了.

3 則留言:

  1. 作者已經移除這則留言。

    回覆刪除
  2. 聽阿王話,尋日睇咗 SEP 既存在主義條 ,以我不太靈光個腦,只可以分享下,班門弄斧。練下寫中文都好。

    個故仔可以在一個大啲概傳統講:信基督教 (不是做耶穌門徒,兩者天地懸隔),就係放棄自己生命最基本既東西,好似自宮一樣,將自己既個體放棄,溶入高高在上的原理 (上帝變成一堆原理,即係死咗),信服而謙卑;因而變成道貌岸然、一色一樣,咁自然病弱冇生命力,但好方便舒服,充滿喜樂。這與尼采講道德一樣,基督教提供概係方便即食既奴隸道德價值,它內裡既是仇恨生命,放棄自己自主。

    講到道德,祈克果都講類似既嘢,不過佢將上帝替成尼采新既自主價值 (但它是什麼,新既超人係乜;我真係唔知);尼采既奴隸道德就對祈克果來講係世俗概道德,即阿伯拉罕唔應該殺佢個仔概道德。所以如果基督教變世俗道德化,佢會不留情面攻擊;這是佢本書 Attack Upon Christendom 既由來。

    往後既存在主義者,都係順住公共性 (可以係基督教教條、可以係社會上既規條、也可以係世俗既道德規條構成)及個體既自主、自由既對立或互為依存講,做一大堆精彩既分析。

    由此,我們可知道,為什麼有炒樓炒股既基督徒,為什麼有曾林自宮式既基督徒;而冇與之相約既耶穌門徒。

    回覆刪除