李剛治港

坦白從寬, 我其實唔係好清楚政府的超錯方案有甚麼內容. 君不見鬍鬚曾俾市民問佢方案有乜特別, 佢一樣口啞啞, 最後只能話多謝你既大聲.

我同所有香港人一樣, 討厭功能組別, 而超錯方案無講清楚幾時取消功能組別, 所以我不支持這個爛方案.

民主黨最近講的甚麼一人兩票區議會乜七方案, 我同樣唔知佢講乜. 同大家一樣, 我最近只是忙睇波, 訓都唔夠訓, 你仲叫我諗的咁深既普選區議會一人兩票乜乜物, 你玩我咩? 我連區議會原來仲存在都唔記得左啦?

最近當奴曾雖然約左余若薇上電視辯論, 仲有電視直播, 但係我最關心既都係之後阿根廷對南韓場波咋. 大佬, 好做唔做, 趁世界盃攪的咁複雜既民主路線表決, 政府擺明利用緊我們的繁忙及無知啦.

不過, 雖然唔得閒, 但係成日都聽到李剛個名, 佢一出聲話民主黨個方案有得諗, 成班民建聯呀鄭耀棠呀之類, 即刻收哂皮. 呢班友, 你叫佢勃起就勃起, 叫佢收皮就收皮, 真係香港之福.

李剛治港, 民主黨治港, 都幾好, 剩係無左 dignity 啫.