【明報專訊】12歲女童在網誌上載與17歲男友的露背接吻照，被社工揭發二人偷嘗禁果。男友早前被裁定一項與13歲以下女童非法性交罪成，昨被判感化18個月。辯方律師求情指被告在事件中最大的責任，是沒有拒絕女童主動提出性交之要求。(2010年6月29日)我愈來愈難明白香港的學校社工, 他們到底知不知道自己在做些甚麼?
這已經不是第一次有社工揭發學生進行性行為, 他們知不知道專業操守為何物? 當所有學校社工都變成差佬條針的話, 你日日返工只不過是在做無間道, 二五仔. 用警力來維護香港青少年的性純潔. 明明大家都已經知道性交是一回乜野既事, 你偏偏要把頭藏在沙堆裡面, 見一鑊告一鑊, 誓要把所有同靚妹做愛的靚仔都拉哂去坐監, 咁就係一個負責任的社工!
你有無諗過靚妹仔搵你傾訴時 (not the above case), 是表達了一種對你的信任, 一種很難得的對制度的信任. 你的責任是讓她們成長, 聽她們的心聲, 幫她們保守秘密, 並且在她們有需要的時候提供避孕措施的支援. 面對現實啦, 靚仔靚妹都係人黎架, 佢地的身體, 佢地都有權決定點用. 社工要做的是輔導, 輔助, 讓她們明白怎樣可以更好地保護自己, 進行負責的性行為 (if they so choose).
在歐洲很多的國家, 例如荷蘭, 芬蘭, 意大利, 德國等, 已經不會對十幾歲的少男少女之間的性行為進行法律的檢控和控制, 在那裡, 年輕人不是一個社會問題, 而是社會的 asset; 相對於美國和香港, 這些好以刑罰和禁慾來處理青少年性生活的地方, 歐洲國家的青年人懷孕墮胎乃至染上性病的比例都低很多. 年輕人在那裡受尊重, 而性是一種快樂的自然的經驗, 不是惡名昭著的洪水猛獸.
最重要的是: 在歐洲諸國, 青少年的性教育政策極少受宗教團體的影響. 青少年是要保護的對象, 而不是你捉姦在床和收監的對象.
好多心理治療師都係做緊社會警察。
回覆刪除佢地同社工咁Q好搵唔係冇理由o架。
Willsin,
回覆刪除點解你對呢類事件次次反應都咁大？大家都知道你嘅觀點好耐啦。
yan，社工咁Q好搵？真係唔多明點解會覺得社工好Q好搵。
回覆刪除咩叫社會警察？見到人犯罪而報警者係社會警察？請解釋清楚"社會警察"呢個用語。
Willsin，究竟你篇博文係批評梗條法律，定係批評梗個社工既做法？條法律唔啱係咪直接等同社工做法唔啱？
匿名，
回覆刪除是我不小心。你對，做社工其實唔係好好搵。必理醫生好搵啲。
社會警察？我想，意思是為社會維持公共秩序的做法吧，它著重技術性及效率的管理方式，是將人物化冇感情的管理方式。
法律設置有問題, 以刑罰來禁慾, 是緣木求魚.
回覆刪除社工做法更不對, 違反confidentiality, 不尊重client 的私隱, 其做法亦保護不到年輕人, 更遑論違反了其人對身體使用的權利了.
Willsin
我完全撐你啊willsin
回覆刪除d法例已經不合事宜,連社工都要咁卑鄙
你寫呢d最精彩,好值得欣賞
Willsin，你話條法例設置得唔啱你有你既道理，但係你話社工"違反confidentiality，不尊重client 的私隱, 其做法亦保護不到年輕人, 更遑論違反了其人對身體使用的權利了。"我就有啲質疑。
回覆刪除1.首先，我唔係好理解confidentiality到底係咩，可否解釋下？另外，條法例啱唔啱係另一個問題，但社工發現啲細路犯左法而去報警，呢啲唔係叫"不尊重client 的私隱"。犯法唔算係個細路既私隱吧？！
2."其做法亦保護不到年輕人"保唔保護到係睇咩判準？考慮呢個情況︰
假設社工無報警的話，個細路繼續咁搞落去大左肚，然後一生兒女債好辛苦。咁社工係咪叫保護左佢？
但留意以上既假設係一派胡言，我地無理由假設將來既事黎判準現在既決定。你話社工做法保護唔到年輕人，我想問你點知佢保護到或保護唔到？
3."違反了其人對身體使用的權利"到底係條法例，定係個社工？社工有無能力唔比人使用自己身體？如果佢無能力，唔佢點違反？
>社工發現啲細路犯左法而去報警，呢啲唔係叫不尊重client 的私隱
回覆刪除1. 理想的社工應該是年輕人推心置腹的對象, 社工的首要責任是聆聽, 輔導.
2. 香港的學校社工那麼喜歡報警, 其實是行業的集體自殺, 試問如果你是靚仔靚妹, 的社工有這樣的前科, 你還會信任他們麼?
--- 你失去年輕人的信任, 你還能保護他們麼?
3. 社工有專業責任去判斷報警對涉事年輕人的影響, 以及有關法例的合理性. 社工沒有責任做警方的線人. 現在他們事事報警, 只不過是不想咩飛的心態作祟.
---------------------------
>個細路繼續咁搞落去大左肚，然後一生兒女債好辛苦。咁社工係咪叫保護左佢？
4. 對年輕人性行為最好的保護是面對現實, 承認他們也會嘗試, 也有權嘗試. 然後教育他們使用避孕套的重要性, 或者忘記了用套的話要服事後避孕藥.
--- 不少人(像明光社之類)一天到晚強調避孕套不是百分百安全, 這只會給予他們一種錯覺.
--- 刻意不給予他們任何實戰的性知識, 會令冒險嘗試的年輕人更加容易中招 (性病, 懷孕等).
To some people in Hong Kong, even adults in a relationship are not supposed to have sex. Look at the way how the tabloid news make a big fuzz about so and so celebrity staying overnight at another celebrity's apartment...
回覆刪除私隱守則會為法律作例外，社工是不能不報，入門簽紙時請看清條款．正如虐兒，老師單是懷疑都要報．十二歲識字啦．．．
回覆刪除如果只是一般輔導，真係冇任何條款需要學生簽署明白佢哋講嘅問題如果有可能觸犯法例的話，有關人士(例如社工)會向執法機構舉報，即係話好多時候被輔導者係唔知點解被人出賣咗。
回覆刪除不過，我覺得係社工怕揹黑鍋嘅心態居多，以前讀書嘅時候，提及有關輔導時嘅指引同埋輔導者嘅專業操守，第一個原則係對有關內容保密，輔導者同被輔導者存在保密協議，一旦喺被輔導者不知情嘅情況下用其真實姓名公開，分分鐘唔止釘牌，仲可以俾人告，追討損失。但去到指引嘅時候就會同你講如果係會對社會構成危險（例如有個殺人犯搵你做輔導）就要向有關機構上報。
嗰陣我都問過教授即係點？報定唔報好？個鬼佬好認真咁講，指引係咁寫，不過都係睇情況，你驚咪報lor，真係唔報的話都唔會告你知情不報，不過你又要諗吓個Patient係信你先講，如果下下都要諗同你講完嘅後果，真係搵鬼嚟睇啦!~