The Troublesome Gain

朋友談起他近來的遭遇, 姑名之曰塞翁. 前陣子, 塞兄在地鐵櫃員機提款, 旁邊的人忘了拿錢就走人, 塞不敵誘惑, 順手牽羊了.
「塞翁, 如果我係你, 我會好擔心. 因為銀行可以憑著閉路電視找到你的罪證. 你隨時惹上官非.」
「搵到先講啦, 第一, 對方要記得在哪裡忘了錢. 第二要有心追究到底. 第三要銀行真的拍到我拿錢. 證據確鑿, 才會有手尾. 但這三者都成立的機會不大.」
「其實你的收入不錯丫, 一般人不知要努力多久才有你這樣的成就, 何苦為了這區區幾百元冒險?」
「唔好玩我啦, 我都是人黎架, 人心肉造, 有邊個會見到錢唔執? 呢個係香港地呀, 的錢你唔攞, 都會益左後面個個.」
「你知不知道, 你不拿走, 的錢就會縮番入去, 咁, 銀行會keep住等物主來取, 或者, 其他人會拿去給地鐵報失.」
「如果物主不來呢, 你估銀行傻架, 最後咪益番銀行. 地鐵報失都要有人claim 先得, 否則地鐵公司又係入自己數, 或者攞去做善事. 但呢的係人地的錢, 地鐵拿別人的錢去做善事, 這本身就好有問題.」
「你知道是別人的財物, 你自己又為甚麼拿走?」
「原物主按完機就走得消聲匿跡, 我搵唔到佢…」
「咁都得? 你係咪真係有心搵過先?」
「咁我又唔係咁得閒四圍搵人噃.」
「我發覺我講乜你都有一個解釋, 你各方面都諗得咁周全, 反而證明你的確是有點心虛了. 算把啦, 你都係唔適合做賊架勒, 下次唔好咁笨, 做番好人仲簡單啦.」